စိတ်ကျန်းမာရေးအတွက် ဘာတွေစားသင့်သလဲ…

စိတ်ဖိစီးမှု၊ စိတ်ပူပန်မှု၊ စိတ်ကျရောဂါအပျော့စားနဲ့ အိပ်မပျော်ခြင်းဆိုတဲ့အရာတွေက စိတ်လှုပ်ရှားမှုဆိုင်ရာနဲ့ ပတ်သက်နေတဲ့ လက္ခဏာတွေပါပဲ။ ဘယ်လိုအချိန်မှာ စိတ်လှုပ်ရှားမှု ဖြစ်တတ်သလဲဆိုရင် ကိုယ့်ရဲ့ ဘဝအပြောင်းအလဲအချိုးအကွေ့တွေ၊ ကိုယ်မထင်မှတ်ထားတဲ့ကိစ္စတွေ ဖြစ်လာတဲ့အခါမှာနဲ့ တခြားစိတ်ပိုင်းဆိုင်ရာရောဂါတွေ ဖြစ်နေတဲ့အချိန်မှာ ဖြစ်တတ်ပါတယ်။ အဲဒီလိုစိတ်လှုပ်ရှားမှုဆိုင်ရာပြဿရာတွေကို အစားအသောက်တွေစားသောက်ရင်းလျှော့ချနိုင်ပါတယ်။ စိတ်ပိုင်းဆိုင်ရာဝေဒနာတွေကို မဖြစ်အောင် ကာကွယ်ဖို့ဆိုရင် အစားအသောက်အနေအထိုင်ကို ပြင်ဆင်သင့်သလို လေ့ကျင့်ခန်းမှန်မှန်လုပ်ပေးခြင်းကနေလည်း ကာကွယ်မှုတွေ ရယူနိုင်ပါတယ်။

စိတ်ဓာတ်ကျနေတဲ့အခါ အချိုစားပါ။ စိတ်ဓာတ်ကျခြင်းကို အတန်အဆင့်သက်သာစေတယ်ဆိုတာ လေ့လာမှုတစ်ခုအရ သိရပါတယ်။ အချိုဓာတ်တွေဖြစ်တဲ့ ကာဗိုဟိုက်ဒရိတ်အစားအစာတွေဖြစ်တဲ့ ဥပမာ ဘီစကစ်တွေ၊ ချောကလက်တွေ၊ ကိတ်တွေ၊ ပျားရည်နဲ့ ယိုတွေဟာ စိတ်ပူပန်မှု၊ စိတ်ဖိစီးမှုတွေကို ထိန်းချုပ်ပေးတဲ့ ဆီရိုတိုနင်ဓာတ် ထုတ်လုပ်ပေးတဲ့နေရာမှာ ကူညီပေးပါတယ်။ စိတ်ခံစားမှုကို မြှင့်တင်ပေးနိုင်တယ်။ ဒါပေမဲ့ အချိုတွေအရမ်းစားလွန်းပြန်ရင်လည်း သွေးတွင်းသကြားဓာတ်အနိမ့်အမြင့်ကို သွားပြီး Effectဖြစ်နေမှာမို့ တန်ဆေးလွန်ဘေး သဘောလောက်ပဲ စားသင့်ပါတယ်။

Complex Carbohydrates

အကောင်းဆုံးနည်းကတော့ သွေးတွင်သကြားဓာတ် မြင့်တတ်ခြင်းမရှိအောင် ကာဗိုဟိုက်ဒရိတ်ဓာတ်ကို ပြုပြင်ပြောင်းလဲ၊ ပေါင်းစပ်ကာ စားတာမျိုးလုပ်ပါ။ အသီးအနှံတွေကို ယိုပုံစံလုပ်၊ ပေါင်းမုန့်နဲ့ သုတ်စားတာမျိုး၊ ဂျုံကို စေးနေအောင်ပြုတ်ပြီးရင် ထန်းလျက်ကို ညောင်စေးကျအောင်ကျိုပြီး ရောနယ်၊ အေးတော့မှ စားလို့ရတဲ့အနေတော်အတုံးလေးတွေဖြတ်ပြီး သိမ်းထားပြီး စားလို့ရတဲ့ သရေစာမျိုးလေး လုပ်ထားပါ။

Complex Carbonhydrate တွေဟာ အိပ်စက်ခြင်းကို ပိုမိုကောင်းမွန်စေပြီး ဆီရိုတိုနင်ဟော်မုန်းထွက်ရှိမှုကို အားပေးပါတယ်။ ခန္ဓာကိုယ်ရဲ့စွမ်းအင်ကိုလည်းပိုမိုကောင်းစေပါတယ်။

မုန်ညင်း၊ ကညွတ်၊ တရုတ်နံနံ၊ ပူဒီနာနဲ့ရှောက်ရွက်တွေက စိတ်ဖိစီးမှုကို လျော့ပါးစေပြီးကောင်းကောင်း အိပ်ပျော်စေပါတယ်။ ကြက်သား၊ ဥအမျိုးမျိုး၊ ပဲပိစပ်နဲ့အခြားပဲနဲ့ လုပ်ထားတဲ့အစားအစာအပြင် ငှက်ပျောသီးနဲ့ ကန်စွန်းရွက်တို့ကို စားပေးခြင်းကလည်း အမိုင်နိုအက်ဆစ်ဓာတ်ကိုူ ရရှိစေပြီး စိတ်ပင်ပန်းနွမ်းနယ်မှုတွေကို ကုစားပေးနိုင်ပါတယ်။ ဦးနှောက်က ဆီရိုတိုနင်ထွက်ရှိမှုနှုန်းကို မြင့်မားစေပြီး ဦးနှောက်ကြည်လင်လန်းဆန်းစေပါတယ်။ ခန္ဓာကိုယ်ရဲ့ ဇီဝဖြစ်စဉ်ကို တိုးမြင့်စေနိုင်ပါတယ်။

နို့နဲ့ နို့ထွက်အစားအစာတွေ၊ အသည်း၊ အစိမ်းရင့်ရောင် အသီးအရွက်တွေ၊ ဟင်းသီးဟင်းရွက်တွေနဲ့ပင်လယ်စာ အဲဒါတွေမှာ ပါဝင်တဲ့ ဗီတာမင်ဘီအုပ်စုတွေက သင့်ရဲ့ဦးနှောက်လုပ်ငန်းဆောင်တာကို ကောင်းမွန်စေပြီး စိတ်ဖိစီးမှုဟော်မုန်းထွက်ရှိခြင်းကို တားဆီးပေးပြီး စိတ်ဓာတ်ကျခြင်းကို ကာကွယ်ပေးတဲ့ ဆီရိုတိုနင်ဟော်မုန်းကို ထွက်စေပါတယ်။

လိမ္မော်သီး၊ ဂရိတ်ဖရုသီး၊ ကီစီသီး၊ ပန်းဂေါ်ဖီစိမ်း၊ အာလူးနဲ့ အစိမ်းရင့်ရောင်ဟင်းသီးဟင်းရွက်တွေကို များများစားပေးပါ။ ဗီတာမင်စီဓာတ်ကို အပြည့်အဝရရှိစေတာမို့ စိတ်ဖိစီးမှုတွေ၊ စိတ်ပင်ပန်းနွမ်းလျမှုတွေနဲ့ စိတ်ဓာတ်ကျမှုတွေကို ကာကွယ်တားဆီးပေးနိုင်ပါတယ်။

ရေနွေးကြမ်းကြိုက်တဲ့သူတွေအနေနဲ့ကတော့ လက်ဖက်စိမ်း၊ ရို့စ်မေရီရွက်ခြောက်လေးတွေ၊ ချင်းလက်ဖက်ရည်တွေ သောက်ပေးနိုင်ပါတယ်။

ရှောင်ရမှာတွေက

စိတ်ကိုလှုံ့ဆော်ပေးတဲ့ဆေးဝါးတွေ၊ အစားအစာတွေ၊ အရက်၊ ဘီယာ၊ ကိုကင်း၊ ဒဗလျူဝိုင်လိုဆေးပြားတွေကို ရှောင်ပါ။ စိတ်ဖိစီးမှုကို ပိုမိုအားပေးတဲ့ ကော်ဖီခဏခဏသောက်ခြင်းကိုလည်း ရှောင်ပါ။

ရို့စ်မေရီ၊ ကြက်သွန်ဖြူ အာလူးကင်

Rosemary ရွက်များများ၊ ကြက်သွန်ဖြူများများနဲ့ အာလူးသေးသေးလေးတွေကို ကင်ထားတာပါ။ ခန္ဓာကိုယ်ရဲ့ခုခံအားကို တိုးမြင့်စေပါတယ်။ အနာရောဂါတွေကို သက်သာစေဖို့ ဇီဝဖြစ်စဉ်တွေ တိုးမြင့်စေပါတယ်။ စိတ်ဖိစီးမှုကို လျော့ကျစေပါတယ်။

ဘယ်လောက်ပဲ စိတ်ဖီစီးနေတယ်ပြောပြော ကိုယ်ကြိုက်နှစ်သက်တဲ့ အစားအသောက်လေးများ စားနေရရင် ဖိစီးမှု ပြေနေရောပဲလေ။

 Credit : Kitchen Doctor