ကာကွယ်ဆေးထိုးထားသော်လည်း တုပ်ကွေးဖြစ်ခဲ့ပါက ရောဂါဝေဒနာ ပြင်းထန်မှုကို...

တုပ်ကွေးကာကွယ်ဆေး (Flu Vaccine) ထိုးနှံသင့်သည့် အကြောင်းရင်းများ

+++++++++++++++++++++++++++++++++++

• ရောဂါကူးစက်မှုကို လျှော့ချပေးခြင်း

-တုပ်ကွေးကာကွယ်ဆေးသည် လူတစ်ဦးမှတစ်ဦးသို့ ဗိုင်းရပ်စ်ကူးစက်နိုင်ခြေကို သိသိသာသာ လျှော့ချပေးပြီး လူထုအတွင်း ရောဂါပျံ့နှံ့မှုကို ထိန်းချုပ်ပေးနိုင်ပါတယ်။

• ရောဂါပြင်းထန်မှုကို သက်သာစေခြင်း

-ကာကွယ်ဆေးထိုးထားသော်လည်း တုပ်ကွေးဖြစ်ခဲ့ပါက ရောဂါဝေဒနာ ပြင်းထန်မှုကို လျှော့ချပေးပြီး ဆေးရုံတက်ရမည့် အခြေအနေကို ကာကွယ်ပေးပါတယ်။

• နောက်ဆက်တွဲ ဆိုးကျိုးများကို တားဆီးပေးခြင်း

-အဆုတ်ရောင်ခြင်း (Pneumonia) ကဲ့သို့သော တုပ်ကွေးကြောင့်ဖြစ်တတ်သည့် အန္တရာယ်ရှိသော နောက်ဆက်တွဲ ရောဂါများမှ ကာကွယ်ပေးပါတယ်။

• အုပ်စုလိုက် ခုခံအားစနစ်ကို မြှင့်တင်ပေးခြင်း

- မိမိကိုယ်တိုင် ဆေးထိုးထားခြင်းဖြင့် မိသားစုနှင့် ပတ်ဝန်းကျင်ရှိ ကိုယ်ခံအားနည်းသော ကလေးများ၊ သက်ကြီးရွယ်အိုများနှင့် နာတာရှည်ရောဂါရှိသူများကိုပါ သွယ်ဝိုက်သောနည်းဖြင့် ကာကွယ်ပေးရာရောက်ပါတယ်။

ထိုးနှံရမည့်အကြိမ်ရေ- တုပ်ကွေးဗိုင်းရပ်စ်သည် မျိုးဗီဇပြောင်းလဲလေ့ရှိသောကြောင့် နှစ်စဉ် ထိုးနှံရန် လိုအပ်ပါသည်။

ကာကွယ်မှုစတင်ချိန်- ဆေးထိုးပြီး (၂) ပတ်ခန့်အကြာတွင် ခန္ဓာကိုယ်အတွင်း ခုခံအားစနစ် စတင်ဖြစ်ပေါ်ပါသည်။

ဘေးထွက်ဆိုးကျိုး- ဆေးထိုးသည့်နေရာတွင် အနည်းငယ်နာကျင်ခြင်း သို့မဟုတ် ဖျားသယောင်ရှိခြင်းတို့ ဖြစ်နိုင်သော်လည်း ခဏအတွင်း ပြန်လည်သက်သာသွားလေ့ရှိပါသည်။

Dr. Hazel

Ref: WHO, CDC

#HT_Info 

#seveneighteightseven 

#7887healthcare 

#7887callcenter