Print

Fecal Incontinence (ဝမ်းမထိန်းနိုင်ခြင်း)

  31-Mar-2019
Preview Image

Fecal Incontinence သည် အူလမ်းကြောင်း လှုပ်ရှားမှုများကို မထိန်းချုပ်နိုင်ခြင်းကြောင့် အစာဟောင်းအိမ်မှ မစင် (ဝမ်း) များ မမျှော်လင့်ဘဲ ယိုထွက်ခြင်းဖြစ်သည်။

လက္ခဏာများ

အချို့လူများတွင် ဝမ်းမထိန်းနိုင်ခြင်းသည် ထပ်ခါတလဲလဲနှင့် ရေရှည်ခံစားနေရတတ်သည်။ Fecal Incontinence နှင့် တွဲ၍ ဖြစ်တတ်သော လက္ခဏာများ အနေဖြင့်

. ဝမ်းလျှောခြင်း

. ဝမ်းချုပ်ခြင်းနှင့်

. လေပွခြင်းတို့ ဖြစ်စေနိုင်သည်။


ဖြစ်ပွားရသောအကြောင်းရင်းများ

Fecal Incontinence ဖြစ်ပွားရသော အကြောင်းရင်းများမှာ

- စအိုကြွက်သားများ ထိခိုက်မှုဖြစ်ခြင်း

- စအိုကြွက်သားကို ထိန်းချုပ်သော အာရုံကြောများ ပျက်စီးခြင်း

- ဝမ်းချုပ်ခြင်း

- ဝမ်းသွားခြင်း

- အစာဟောင်းအိမ်ထဲတွင် သိုလှောင်နိုင်စွမ်း လျော့နည်းခြင်း

- လိပ်ခေါင်းအား ခွဲစိတ်ဖူးခြင်း

- စအိုပေါက်သို့ အစာဟောင်းအိမ် ကျွံကျခြင်း

- အမျိုးသမီးများတွင် အစာဟောင်းအိမ် မိန်းမကိုယ်မှနေ၍ ကျွံကျခြင်း အစရှိသည်တို့ ဖြစ်ပါသည်။


ဖြစ်နိုင်ချေများသူများ

Fecal Incontinence သည်

. မည်သည့်အသက်အရွယ်တွင်မဆို ဖြစ်နိုင်သော်လည်း လူလတ်ပိုင်းနှင့် လူကြီးများတွင် အဖြစ်များသည်။

. အမျိုးသမီးများ

. ဆီးချိုရောဂါရှိ၍ အာရုံကြော ထိခိုက်နေသူများ

. သတိမေ့ရောဂါ ခံစားနေရသူများ

. ထိခိုက်ဒဏ်ရာ တစ်ခုခုကြောင့် မလှုပ်ရှားနိုင်ဖြစ်နေသူများ တွင် အဖြစ်များသည်။


နောက်ဆက်တွဲပြဿနာများ

နောက်ဆက်တွဲ ပြဿနာများ အနေဖြင့် စိတ်ပိုင်းဆိုင်ရာ ထိခိုက်မှု ခံစားရခြင်း၊ အရေပြား နာကျင်ခြင်းနှင့် ယားယံခြင်းများ ဖြစ်စေနိုင်သည်။


ဆရာဝန်နှင့် သွားရောက်ပြသသင့်သောအချက်များ

Fecal Incontinence သည် ကုသ၍ ရသည့်ရောဂါ ဖြစ်သည့်အတွက် လက္ခဏာများ သက်သာစေရန် ရောဂါစတင်ခံစားရသည်နှင့် ဆေးရုံဆေးခန်းသို့ သွားရောက်ပြသသင့်ပါသည်။


စစ်ဆေးမှုများ

Fecal Incontinence အား သိရှိနိုင်ရန် ရောဂါအခြေအနေအကြောင်း မေးမြန်းခြင်း၊ စမ်းသပ်ခြင်းများအပြင် လက်ဖြင့် စအိုအတွင်းသို့ စမ်းသပ်ခြင်း၊ Anal manometry ( စအိုထဲသို့ ပိုက်ချောင်းထည့်၍ စမ်းသပ်ခြင်း)၊ Anal ultrasonography (စအိုထဲသို့ ကင်မရာထည့်၍ ကြည့်ခြင်း)၊ Colonoscopy ( မှန်ပြောင်းကြည့်ခြင်း)နှင့် MRI (သံလိုက်ဓာတ်မှန် ရိုက်ခြင်း) တို့ ပြုလုပ်နိုင်ပါသည်။


ကုသခြင်း

Fecal Incontinence အား ကုသရာတွင် သောက်ဆေးအနေဖြင့် ဖြစ်ပွားရသော အကြောင်းရင်းကို လိုက်၍ ဝမ်းပိတ်ဆေး၊ ဝမ်းပျော့ဆေး၊ အစားအသောက်ပုံစံ ပြောင်းခြင်းနှင့် အရိုးအကြော ပြန်လည်လေ့ကျင့်ရေး အထူးကုများထံသွား၍ လေ့ကျင့်ခန်းများ လုပ်၍လည်း ကုသနိုင်သည်။ ထို့ပြင် ခွဲစိတ်မှုများ အနေဖြင့် စအိုထိန်းကြွက်သားအား ပြန်လည်ပြုပြင်ခြင်း/ဖယ်ရှားခြင်းများဖြင့် ကုသနိုင်ပြီး မရပါက နောက်ဆုံးတွင် အူလမ်းကြောင်း ပြောင်းခြင်းတို့ဖြင့် ကုသရမည်ဖြစ်သည်။


ကာကွယ်ခြင်း

Fecal Incontinence အား ကာကွယ်ရန်အတွက် 

. ဝမ်းမချုပ်စေအောင် နေထိုင်ခြင်း

. ဝမ်းလျှောခြင်းအား ကုသမှု ခံယူခြင်းနှင့်

. အလွန်အမင်း ညှစ်ခြင်းအား ရှောင်ကြဉ်ခြင်း စသည်တို့ကို လိုက်နာပေးသင့်ပါသည်။


Ref: Mayo Clinic

သင်သိလိုသမျှ ကျန်းမာရေးမေးခွန်းများနှင့် ပတ်သက်၍ Healthcare.com.mm ၏ hotline နံပါတ် 7887 သို့ MPT မိုဘိုင်းလ်ဖုန်းဖြင့် ၂၄ နာရီ အချိန်မရွေး  ခေါ်ဆိုပြီး ဆရာဝန်များနှင့် တိုက်ရိုက်ဆွေးနွေးတိုင်ပင်နိုင်ပါပြီရှင်။



Related Articles


Advertisment 18

Advertisment 18

Advertisment 18

Advertisment 18

Advertisment 18