ရေ ဓါတ် ကြွယ် ၀ သော အစားအစာ များ

လူ့ခန္ဓာကိုယ် ရဲ့60 ရာခိုင်နှုန်း ခန့်ဟာ ရေဓါတ် နှင့် အဓိက ဖွဲ့စည်းထားတာပါ။ အဲ့ဒါကြောင့် လူတစ်ယောက် နေ့စဉ် စားသောက်မှု ပုံစံ ကနေ ရေ ဓါတ် လုံ လုံ လောက်လောက် ရရှိနေဖို့ လို အပ်ပါတယ်။ ရေဓါတ် လုံလုံ လောက်လောက် မရ ဘူးဆို လျှင် ရေဓါတ် ခန်းခြောက် ပြီး လွယ်လွယ် ကူကူ မောပန်း လွယ်မယ်၊ ကြွက်တက်မယ် ၊ သွေးပေါင် ကျမယ်၊ ဝမ်းချုပ်မယ်၊ အသားအရည်ခြောက်လာမယ်၊ နှလုံး ခုန် နှုန်းတွေ မြန် လာတာ မျိုး ဖြစ်တတ်ပါတယ်။

ရေဓါတ် ဆုံး ရှုံး တာ ကြာ လာမယ် ဆို ရင်တော့ ခန္ဓာကိုယ် ကိုယ်တွင်း ကလီစာ တွေရဲ့လုပ်ငန်း ဆောင်တာ တွေ ပါ ထိခိုက်လာနိူင်ပါတယ်။

ပူပြင်းတဲ ့နွေ ရာသီ မှာ ဆို လျှင်လည်း ခန္ဓာကိုယ် က ရေ ဓါတ် ကို ပို လို တာ ကြောင့် ရေ များများ သောက်ပေး ရမယ်၊ ရေ ဓါတ် ကြွယ်၀ တဲ့ အစားအစာ တွေ စား ပေး ဖို့လို အပ်လှပါတယ်။

ဒါ့ကြောင့် ရေ ဓါတ် ကြွယ်၀ တဲ့ အစားအစာ တွေကို ပြောပြပေး သွားမှာပါ။

1.    ဖရဲသီး

ဖရဲသီး ဟာ အများ သိကြတဲ့အတိုင်း ရေ ဓါတ် ကြွယ်၀ တဲ့ အသီး တစ်မျိုး ပါ။ ဖရဲသီး မှာ ရေ ဓါတ် 92% ထိ ပါဝင်ပါတယ်။ ဒါ့အပြင် ဗီတာမင် စီ၊ ဗီတာမင် အေ၊ မက်ဂနီ ဆီယမ် ဓါတ် အပြင် အမျှင်ဓါတ် နှင့် ဓါတ်တိုး ဆန့်ကျင် ဓါတ် များ ပါဝင်တဲ့အတွက် ကျန်း မာေ ရး အတွက် အထောက်အကူ ပြု ရုံသာမက အသားအရည် ကိုလည်း လှပ စေပါတယ်။ ဒါ့ အပြင် ဖရဲ သီး မှာ ကယ်လို ရီ အနည်း ငယ်သာ ပါဝင်လို့ ဝိတ်ချ လို သူ များ အတွက် လည်း အထူး သင့်တော်ပါတယ်။

2.     လိမ္မော်သီး

လိမ္မော် သီး မှာ ရေ ဓါတ် 88% ခန့် ပါဝင်ပါတယ်။ ရေဓါတ်ကြွယ် ၀ တဲ့ အပြင် ဗီတာမင် စီ၊ ပိုတက်ဆီယမ် ဓါတ် လည်း ကြွယ်ဝလို့ ကိုယ်ခံအား စနစ်ကိုလည်း ကောင်းမွန်စေတယ့်အပြင် နှလုံး ကျန်းမာရေး ကိုလည်း အထောက်အပံ့ပေးပါတယ်။ ဓါတ်တိုး ဆန့် ကျင်တဲ့ ဓါတ် antioxidant တွေပါလို့ အိုမင်း ရင့်ရော မှုကို ကာကွယ်ပေး ပြီး တစ်ရှူး ရောင်ရမ်း တာကိုလည်း သက်သာ စေပါတယ်။ အချဉ် ဓါတ် ကြွယ်ဝတဲ့ အသီး ဖြစ်တဲ့ အတွက် ကျောက်ကပ် ကျောက်တည် ခြင်း ကိုလည်း ကာကွယ်ပေးပါတယ်။

3.     သခွားသီး

    သခွားသီး မှာ ရေဓါတ် 95% ပါဝင်တဲ့အတွက် ကျန်းမာရေး အတွက် အထောက်အကူ ပြု တဲ့ အသီးအနှံ လို့ သတ်မှတ်လို့ရပါတယ်။ ရေ ဓါတ်ကို လုံလုံ လောက်လောက် ပေးစွမ်း နိူင်ပြီး ကယ်လိုရီ ပါဝင်မှု လည်း နည်း လို့ ခန္ဓာကိုယ် အလေးချိန် လျှော့ ချတဲ့ နေရာ မှာ လည်း အသုံးဝင်ပါတယ်။

4.    ဆလပ်ရွက်

    ဆလပ်ရွက် မှာ ရေ ဓါတ် 96% ပါဝင်ပါတယ်။ ရေဓါတ်အပြင် အမျှင် ဓါတ် ကြွယ်၀ စွာ ပါဝင်တဲ့အတွက် ဝမ်းမှန် စေပါတယ်။ ဖောလိတ် ဓါတ် လည်း ပါဝင်တဲ ့အတွက် ကိုယ်ဝန်ဆောင်သည် တွေပါ စားသင့်တဲ့ အရွက်တစ်မျိုး ပါ။

5.      ခရမ်းချဉ်သီး

   ခရမ်းချဉ်သီး မှာ ရေ ဓါတ် 94% ပါဝင်ပါတယ်။ ဒါ့အပြင် ဗီတာမင် အေ နှင့် ဗီတာမင် စီ ပါဝင်လို့ ကိုယ်ခံအား အထူးကောင်းမွန်စေပါတယ်။ အမျှင်ဓါတ် နှင့် ဓါတ်တိုး ဆန့်ကျင် ဓါတ် တွေ များစွာ ပါဝင်လို့ နှလုံးရောဂါ ၊ ဆီးကျိတ်ကင်ဆာ ရောဂါ မဖြစ်အောင် ကာကွယ်ပေးပါတယ်။ ခရမ်းချဉ်သီး ကို အချဉ်လုပ်စားတာပဲ ဖြစ်ဖြစ် ဟင်းချက်စားတာပဲ ဖြစ်ဖြစ် သုပ်စားတာပဲ ဖြစ်ဖြစ် အမျိုးမျိုး ပြုလုပ်စားသုံးလို့ရပါတယ်။

6.   ဒိန်ချဉ်ဒိန်ခဲ

ဒိန်ချဉ်ဒိန်ချဉ်ဟာ ဝမ်းကောင်းတယ် ဝမ်းမှန်တဲ့အစားအစာ တစ်ခု လို့သိကြတာပါ။ သူ့မှာ ရေဓါတ် 88% ပါဝင်လို့ ရေဓါတ် ကြွယ်ဝတဲ့ အစားအစား ဆိုလည်း မမှားပါဘူး။ ဒါ့အပြင် ဒိန်ချဉ် ဟာ နို့ထွက် ပစ္စည်း တစ်ခု ဖြစ်လို့ ကယ်ဆီယမ် ဓါတ် ကြွယ်ဝပြီး အရိုးကျန်းမာရေး အတွက် အထောက်အကူ ပေးပါတယ်။ အသားဓါတ် များစွာလည်း ပါဝင်လို ့ ကိုယ်အလေးချိန် လျှော့ချ ချင် သူ တွေ အတွက် အထူးသင့်တော်ပါတယ်။ သက်စောင့်ဓါတ် ၊ သတ္တု ဓါတ် များစွာပါဝင်လို့ ဒိန်ချဉ် ကို တစ်ပါတ်ကို အနည်းဆုံး ၃ ကြိမ်လောက်ပါအောင်စားပေးသင့်ပါတယ်။

7.     ပန်းဂေါ်ဖီထုပ် / ဂေါ်ဖီထုပ်

ပန်းဂေါ်ဖီ မှာ ရေ ဓါတ် 92% ပါဝင်ပါတယ်။ သတ္တုဓါတ်၊ သက်စောင့်ဓါတ် 15 မျိုး ကျော်ပါဝင်လို့ ကျန်းမာရေး အတွက် အထူး ကောင်းမွန် တဲ့ ဟင်းသီး ဟင်းရွက် တစ်မျိုး ပါ။

8.    ဂရိတ်ဖရုသီး

     ဂရိတ်ဖရုသီး ဟာ အချဉ်ဓါတ် ကြွယ် ဝတဲ့ အသီး တစ်မျိုး ဖြစ် ပြီး ရေဓါတ် 88% ပါဝင်လို့ကျန်းမာရေး အတွက် အထူးသင့်လျော်ပါတယ်။ ဒါ့ အပြင် ဂရိတ်ဖရု မှာ ဗီတာမင် အေ၊ ပိုတက်ဆီယမ် ဓါတ် နှင့် ပိုတက်ဆီယမ် ဓါတ်တွေ ကြွယ်ဝစွာပါဝင်ပါတယ်။ ဗီတာမင် စီ ကြွယ်၀ သော အသီး တစ်မျိုး ဖြစ်တဲ့ အတွက် တစ်နေ့ ကို ဂရိတ်ဖရုသီး တစ်ဝက် ခန့် စားတာနဲ့ တင် ကိုယ်ခံအား ကို ကောင်းမွန်စေပါတယ်။

9.     အုန်းရည်

   အုန်းရည် ဟာ ရေဓါတ် 95% ပါဝင်ပြီး ရေဓါတ် ကြွယ်ဝ ရုံသာမက ပိုတက်ဆီယမ်၊ ဆိုဒီယမ်၊ ကလိုရိုက် စတဲ့ဓါတ်ဆား ဓါတ်တွေ ပါဝင်တဲ့အတွက် နာမကျန်း ဖြစ်တဲ့သူ တွေ၊ မောပန်းနွမ်းနယ် တဲ့သူတွေ ၊ မကြာခဏ ကြွက်တက် တတ် တဲ့သူတွေ သောက်သင့်ပါတယ်။ အားကစား အပြင်းအထန်လုပ်တဲ့သူတွေ ၊ ချွေးထွက် များတဲ့ သူတွေ အတွက် အသင့်တော်ဆုံး အရည် တစ်မျိုး ဆိုလည်း မမှားပါဘူး။

10.    ကြက်ပြုတ်ရည် / စွပ်ပြုတ် ရည်

      ကြက်ပြုတ်ရည် / စွပ်ပြုတ်ရည် ဟာ နေမကောင်းတဲ ့သူတွေ သာ သောက်ရတာမဟုတ်ဘဲ နေ့စဉ် စားသောက် မှု ပုံစံ မှာ ထည့် သွင်းသင့်ပါတယ်။ ရေဓါတ် 92% ပါဝင်လို့ရေဓါတ်ဆုံးရှုံး တဲ့လက္ခဏာ တွေ ပြနေပြီ ဆို ကြက်ပြုတ်ရည် တစ်ခွက် သာ သောက်လိုက်ပါ။

အချုပ်အားဖြင့် ဆိုရသော် ကျန်းမာပြီး ရောဂါ ဘယ ကင်း တဲ့ ဘဝကို ပိုင်ဆိုင် နိူင်ဖို့အတွက် ရေဓါတ် ကြွယ်ဝတဲ့ အစားအသောက် တွေကို နေ့စဉ် ပါအောင် စားသင့်ပြီး ရေကို တစ်နေ့ 2 လီတာ ခန် ့အနည်း ဆုံး သောက်သင့်ကြောင်း အကြံပြုလိုက်ရပါတယ်။

Dr. Khaing

Ref; Healthline.com