Myanmar Phar-Med Expo 2017 သတင်းနှင့် စာနယ်ဇင်း မိတ်ဆက်ပွဲကျင်းပ

30-May-2017

Myanmar Phar-Med Expo 2017 သတင်းနှင့် စာနယ်ဇင်း မိတ်ဆက်ပွဲကျင်းပ .....

၂၀၁၇ မြန်မာနိုင်ငံ၏ ဆေးဝါးနှင့် ဆေးပစ္စည်းဆိုင်ရာ နိုင်ငံတကာကုန်စည်ပြပွဲ မိတ်ဆက်ခြင်းကို ၂၄.၅.၂၀၁၇ တွင် ရန်ကုန်မြို့ အထက်ပန်းဆိုးတန်းလမ်းရှိ Rose Garden Hotel ၌ ကျင်းပခဲ့ပါသည်။ အဆိုပါပွဲတွင် မြန်မာနိုင်ငံဆေးနှင့် ဆေးပစ္စည်းကုန်သည်များနှင့် လုပ်ငန်းရှင်များ၏အထွေထွေအတွင်းရေးမှူး (၁) Dr. သင်းနွယ်ဝင်းမှကြိုဆိုနှုတ်ခွန်းဆက်အမှာစကား ပြောကြားပြီးနောက် မြန်မာနိုင်ငံ ပုဂ္ဂလိကဆေးရုံများအသင်း၏ဒုတိယဥက္ကဌဖြစ်သူ Dr.ထင်ပေါ်မှ အမှာစကားပြောကြားခဲ့ပါသည်။ ဆက်လက်၍ မြန်မာနိုင်ငံသွားဘက်ဆိုင်ရာ ကျန်းမာရေးစောင့်ရှောက်မှုအသင်း၏ဥက္ကဋ္ဌ ဒေါက်တာအောင်ဆန်းမှ အမှာစကားပြောကြားပြီးနောက် Ms.Naithy Cyriac (Manager;Head of Myanmar Office at solidiance Asia Pacific) မှ မြန်မာ့ကျန်းမာရေးစောင့်ရှောက်ရေး အခန်းကဏ္ဍရဲ့ အခွင့်အလမ်းများအကြောင်းတို့ကို ဟောပြောဆွေးနွေးခဲ့ပြီးနောက် မြန်မာနိုင်ငံ၏ ကျန်းမာရေးနယ်ပယ်မှ အခွင့်အလမ်းများအကြောင်းကို ဆွေးနွေးတင်ပြခဲ့ပါတယ်။ ထို့နောက် ပြပွဲစီစဉ်သူအဖွဲ့မှ နိုင်ငံတကာဆေးဝါးဆိုင်ရာကုန်စည်ပြပွဲအကြောင်း ရှင်းလင်းပြောကြားကာ VEAS Co.,Ltd မှ ဇီဝိတဒါန သံဃာ့ဆေးရုံသို့ အလှူငွေများပေးအပ်ခဲ့ပါသည်။