ပွေး

ပွေးဆိုတာ အရေပြားမှို ကူးစက်ရောဂါပါ။ အရေပြားဆဲလ် အဟောင်းတွေ၊ လက်သည်း၊ ခြေသည်းနဲ့ ဆံပင်မွေးတွေမှာ ပေါက်ဖွားကူးစက်တတ်တယ်။ ပွေးဟာ အလွန်ကူးစက်လွယ်တယ်။ နည်းအမျိုးမျိုးနဲ့ ကူးစက်တတ်တယ်။
အစမှာ ယား တဲ့ အနီစက်ပုံစံလေးနဲ့ စဖြစ်တယ်။ တဖြည်းဖြည်းကြီးလားပြီး အဝိုင်းကွက် ထူထူလေး ဖြစ်လာတယ်။ ယားတယ်၊ ကုတ်ရတယ် အဖတ်ကွာတာမျိုး ဖြစ်တတ်တယ်။ လူ,လူချင်း ဒါမှမဟုတ် အိမ်မွေးတိရစ္ဆာန်တွေနဲ့ ထိတွေ့မှုတွေ ကနေ အဓိက ကူးစက်ကြတာပါ။ အဝတ်အစား၊ အသုံးအဆောင်တွေကနေ တစ်ဆင့်ခံ ထိတွေ့ကူးစက်မှု ကလည်း ကူးစက်တတ်ပါသေးတယ်။ လိမ်းဆေး၊ သောက်ဆေးများနဲ့ ကုသနိုင်ပါတယ်။

Credit : ဒေါက်တာစိုးဝင်းဦး(အရေပြားအထူးကုဆရာဝန်ကြီး)

သင်သိလိုသမျှ ကျန်းမာရေးမေးခွန်းများနှင့် ပတ်သက်၍ Healthcare.com.mm ၏ hotline နံပါတ် 7887 သို့ MPT မိုဘိုင်းလ်ဖုန်းဖြင့် ၂၄ နာရီ အချိန်မရွေး  ခေါ်ဆိုပြီး ဆရာဝန်များနှင့် တိုက်ရိုက်ဆွေးနွေးတိုင်ပင်နိုင်ပါပြီရှင်။