ကလေးတစ်ယောက်ရဲ့ အရပ်အမောင်းကြီးထွားပုံ

အစာအဟာရနှင့် ဟော်မုန်းတွေက ကလေးတစ်ယောက်ရဲ့ ကြီးထွားမှုအတွက် လိုအပ်ဆုံး အရာတွေပါ။ မျိုးရိုး၊ ဗီဇ၊ လူမျိုး၊ ကျား၊ မ မတူညီမှုတွေကလည်း လူတစ်ယောက်နဲ့တစ်ယောက်ရဲ့ အရပ်အမောင်း ကွာဟချက်ကို ဖြစ်စေပါတယ်။

ကိုယ်ဝန်ဆောင်စဉ် ဆေးလိပ်သောက်ခြင်း၊ အရက်သောက်ခြင်း၊ အာဟာရချို့တဲ့ခြင်း၊ နာတာရှည်ရောဂါရှိတဲ့ (ဥပမာ-နှလုံးရောဂါ၊ တီဘီရောဂါ၊ သန်ကောင်၊ တုတ်ကောင်ရှိတဲ့) ကလေးတစ်ယောက်ဟာ ပုံမှန်နှုန်းအတိုင်း ကြီးထွားသန်မာလာဖို့ အခက်အခဲရှိပါတယ်။

မိသားစုအတွင်း ပြဿနာရှိတဲ့ ကလေးငယ်တစ်ယောက် ဒါမှမဟုတ် မိဘအချင်းချင်း မပြေလည်တဲ့ ကလေးငယ်တစ်ယောက်ဟာ သာမန်ကလေးငယ် တစ်ယောက်လို မကြီးထွား၊ မဖွံ့ဖြိုးနိုင်ပါဘူး။ စိုးရိမ်စိတ်၊ ကြောင့်ကြစိတ်၊ ဖေးမမှုမခံရခြင်း၊ နွေးထွေးမှုမရှိခြင်း၊ အားပေးထောက်ပံ့မှု ကင်းမဲ့ခြင်း၊ ပြုစုယုယမှု မခံရခြင်း၊ လုံခြုံမှုကို မခံစားရခြင်း အစရှိတာတွေက ကလေးငယ်တစ်ယောက်ရဲ့ ဖွံ့ဖြိုးကြီးထွားမှုဖြစ်စဉ်အတွက် အဟန့်အတားဖြစ်စေပါတယ်။

Credit : ဒေါက်တာငြိမ်းချမ်းအောင်

သင်သိလိုသမျှ ကျန်းမာရေးမေးခွန်းများနှင့် ပတ်သက်၍ Healthcare.com.mm ၏ hotline နံပါတ် 7887 သို့ MPT မိုဘိုင်းလ်ဖုန်းဖြင့် ၂၄ နာရီ အချိန်မရွေး  ခေါ်ဆိုပြီး ဆရာဝန်များနှင့် တိုက်ရိုက်ဆွေးနွေးတိုင်ပင်နိုင်ပါပြီရှင်။