ဆံသားဆုံးရှုံးမှုအတွက် အိမ်တွင်းနည်းလမ်းများ

  25-Feb-2017

---

ဆံပင်ကျွတ်တာ၊ ဆံပင်ကြမ်းတာ၊ ထိပ်ပြောင်တာ၊ ဦးရေပြားအဆီပြန်တာနဲ့ အမျိုးသားတွေဖြစ်တတ်တဲ့ ဆံသားပြဿနာတွေကို ဖြေရှင်းနိုင်စေဖို့ အောက်ပါနည်းလမ်းတွေ က ကူညီပေးနိုင်ပါလိမ့်မယ်။

 

ဆီဖြင့်နှိပ်နယ်ပေးပါ
တစ်ပတ်ကို နှစ်ကြိမ်လောက် သင့်ဦးရေပြားနဲ့ ဆံသားတွေကို သံလွင်ဆီ၊ အုန်းဆီ၊ ဗာဒံစေ့စတဲ့ အဆီတစ်မျိုးကို အသုံးပြုပြီး နှိပ်နယ်ပေးတာကြောင့် ဆံပင်ကို အာဟာရဖြစ်စေနိုင်ပါတယ်။

 

အုန်းနို့သုံးပါ
အုန်းသီးကိုအရည်ညှစ်ပြီးရတဲ့အုန်းနို့ဟာသင့်ဆံသားအတွက်အကောင်းဆုံးဖြည့်စွက်စာလိုပါပဲ။ ဆံသားပျော့ပျောင်းစေပြီး ရေဓာတ်ပြည့်ဝနေစေပါတယ်။ အုန်းနို့ကို ခေါင်းမလျှော်ခင် ပေါင်းတင်နည်းအတိုင်း အသုံးပြုနိုင်ပါတယ်။

 

ရှားစောင်းလက်ပက်သုံးပါ
ရှားစောင်းလက်ပက်အနှစ်ကို ဦးရေပြားပေါ်မှာ တစ်ပတ်နှစ်ကြိမ်လောက်နှိပ် နယ်ပေးနိုင်ပါတယ်။ ဦးရေပြားမှာ အညစ်အကြေးနဲ့ ရောဂါပိုးဝင်ရောက်မှုကို ကာကွယ်နိုင် ပြီး ဆံပင်ကျွတ်တာကိုလည်း သက်သာစေနိုင်ပါတယ်။

 

တမာရွက်သုံးပါ
တမာရွက်ဟာ ဦးရေပြားကျန်းမာစေပြီး ဆံပင်ကျွတ်တာကို ကာကွယ်ပေးနိုင်စွမ်း ရှိပါတယ်။ တမာရွက်ကို ကြိတ်ခြေပြီး ဦးရေပြားပေါ်မှာ လိမ်းကာ နှိပ်နယ်ပေးတာမျိုး တစ်ပတ်နှစ်ကြိမ် ပြုလုပ်ပါ။

 

ကြက်ဥသုံးပါ
ဆံသားထူစေဖို့ အသုံးပြုနိုင်ပါတယ်။ ပရိုတင်းကြွယ်ဝတဲ့ ကြက်ဥနဲ့ ဆံသားတွေကို တစ်ပတ်တစ်ကြိမ်လောက် ပေါင်းတင်ပေးပါ။

 

ထောပတ်သီးသုံးပါ
ထောပတ်သီးနှင့် ငှက်ပျောသီးဟာ ဆံသားကျန်းမာစေတဲ့ ပစ္စည်းတွေဖြစ်ပါ တယ်။ ဖော်ပြပါ အသီးတွေကို ကြိတ်ခြေကာ နာရီဝတ်လောက်ကြာအောင် ဆံသားပေါ် မှာ ပေါင်းတင်ပေးပါ။

 

Healthcare.com.mm သင့်ကျန်းမာရေး စောင့်ရှောက်ပေး
Credit:
လမင်းလေး
Arogyam magazine, No. 276, Septmber 2015, Pg. 174